वाचू आनंदे..

या विश्वात जे जे चांगले आहे ते सर्व पाहण्यासाठी ईश्वरांनी आपल्याला डोळे दिले आहेत. ऐकण्यासाठी कान, गंधित वासासाठी नाक आणि गोड गोड बोलण्यासाठी तोंड दिले आहे. आणि हो, पदार्थांची चव कळण्यासाठी जीभ दिलेली आहे. खरं तर याकरिता आपण ईश्वराचे, आपल्या आई वडिलांचे मनापासून आभार मानले पाहिजेत. ज्या गोष्टी चांगल्या नाहीत वाईट आहेत त्यापासून दूर राहिले पाहिजे. कारण या वाईट गोष्टी आपल्या हिताच्या नाहीत. आपल्याला नक्कीच त्रास देणा-या आहेत. म्हणूनच या वाईट गोष्टी, वाईट प्रवृतींपासून दूर कसे राहता येईल हे पाहण्याची गरज आजमितीस आहे असे मला वाटते. हे सुंदर विश्व पाहण्याची संधी आपल्याला मिळालेली आहे त्या संधीचा उपयोग करून आपल्या हातून सत्कर्म कसे होईल याकडे जाणीवपूर्वक लक्ष द्यावयास हवे. अशी संधी आपल्याला वारंवार मिळत नसते. आपल्या हातून चांगले तेच घडावे. चांगल्या गोष्टी घडविल्यास या विश्वात सर्वत्र चांगलेच झाल्याचे दिसून येईल. सर्वजण सुखी, आनंदी होतील नाही का. चांगल्यांना हात द्या आणि वाईट प्रवृत्ती दूर करा.

प्रदीप नरहरि केळकर...
ठाणे, ३१०३२०१३.